ಸುದ್ದಿಗಳು

‘ದಿ ವಿಲನ್’ ನಲ್ಲಿ ಒಬ್ಬೊಬ್ಬರದು ಒಂದೊಂದು ಅವತಾರ..!!!

ಇದೇ ಆಗಸ್ಟ್ 19 ರಂದು (ಭಾನುವಾರ) ಸಂಜೆ 5 ಗಂಟೆಗೆ ಬೆಂಗಳೂರಿನ ಮಾನ್ಯತಾ ಟೆಕ್ ಪಾರ್ಕ್ ಬಳಿ ಇರುವ ವೈಟ್ ಆರ್ಕಿಡ್ ನಲ್ಲಿ ‘ದಿ ವಿಲನ್’ ಚಿತ್ರದ ಧ್ವನಿಸುರುಳಿ ಬಿಡುಗಡೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ಬೆಂಗಳೂರು, ಆ.17: ಪ್ರೇಮ್ ನಿರ್ದೇಶನದ ಬಹು ನಿರೀಕ್ಷಿತ ‘ದಿ ವಿಲನ್’ ಚಿತ್ರದ ಮತ್ತೊಂದು ಪೊಸ್ಟರ್ ಬಿಡುಗಡೆಯಾಗಿ, ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು ನೆಟ್ಟಿಗರಿಂದ ಮೆಚ್ಚುಗೆ ಗಳಿಸುತ್ತಿದೆ. ಇನ್ನು ಕೆಲವೇ ದಿನಗಳಲ್ಲಿ ಈ ಚಿತ್ರದ ಧ್ವನಿಸುರುಳಿ ಬಿಡುಗಡೆಯಾಗುತ್ತಿವೆ.

ನಿಜವಾದ ವಿಲನ್ ಯಾರು

‘ದಿ ವಿಲನ್’ ಚಿತ್ರದಲ್ಲಿ ನಿಜವಾದ ವಿಲನ್ ಯಾರು..? ನಾಯಕ ಯಾರು..? ಕಥೆ ಏನು..? ಎಂಬುದರ ಬಗ್ಗೆ ಈಗಾಗಲೇ ಅನೇಕ ಚರ್ಚೆಗಳು ಶುರುವಾಗಿವೆ. ಈ ಕುತೂಹಲದ ಮಧ್ಯೆಯೂ ಎಲ್ಲರ ಗಮನ ಸೆಳೆಯುತ್ತಿರುವುದು ಪಾತ್ರಗಳ ನೋಟ. ಇಲ್ಲಿ ಸುದೀಪ್, ಶಿವಣ್ಣ ಇಬ್ಬರೂ ತುಂಬಾ ಭಿನ್ನವಾಗಿ ಕಾಣಿಕೊಂಡಿದ್ದಾರೆ.

ಕಪ್ಪು ಉಡುಪಿನಲ್ಲಿ ಕಿಚ್ಚ-ಆ್ಯಮಿ

ಚಿತ್ರದ ಪೋಸ್ಟರ್ ನಲ್ಲಿ ನಟ ಕಿಚ್ಚ ಸುದೀಪ್ , ತಲೆಗೆ ಟೋಪಿ ಧರಿಸಿ, ಉದ್ದ ಕೂದಲು ಬಿಟ್ಟು
ಕಪ್ಪು ಉಡುಪು ತೊಟ್ಟುಕೊಂಡು ವಿಭಿನ್ನವಾಗಿ ಮಿಂಚುತ್ತಿದ್ದು, ನಾಯಕಿ ಆ್ಯಮಿ ಜಾಕ್ಸನ್ ಕೈಯಲ್ಲಿ ಸಿಗರೇಟ್ ಹಿಡಿದು, ಬ್ಲ್ಯಾಕ್ ಗೌನ್ ತೊಟ್ಟು ಪಡ್ಡೆ ಹೈಕಳ ಮೈ ಚಳಿ ಹೆಚ್ಚಿಸಿದ್ದಾರೆ. ನಟ ಶಿವಣ್ಣ ತಲೆಗೆ ಪೇಟ ತೊಟ್ಟು , ಹಸಿರು ಪಂಚೆ, ಗುಲಾಬಿ ಕೋಟು ಧರಿಸಿ ಪಕ್ಕಾ ದೇಸಿ ನೋಟದಲ್ಲಿ ಕಾಣುತ್ತಿದ್ದಾರೆ.

ಹಾಡಿನಲ್ಲಿ ಶಿವಣ್ಣ

ಈ ಚಿತ್ರದ ಒಂದು ಹಾಡಿನಲ್ಲಿ ಶಿವರಾಜ್ ಕುಮಾರ್ ಅವರು ಡಾ. ರಾಜ್ ಕುಮಾರ್ ಅವರಂತೆ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಈ ನೋಟದ ಪೋಸ್ಟರ್ ಬಿಡುಗಡೆಯಾಗಿದೆ.

ಧ್ವನಿಸುರುಳಿ ಬಿಡುಗಡೆ ಸಮಾರಂಭ

ಇದೇ ಆಗಸ್ಟ್ 19 ರಂದು (ಭಾನುವಾರ) ಸಂಜೆ 5 ಗಂಟೆಗೆ ಬೆಂಗಳೂರಿನ ಮಾನ್ಯತಾ ಟೆಕ್ ಪಾರ್ಕ್ ಬಳಿ ಇರುವ ವೈಟ್ ಆರ್ಕಿಡ್ ನಲ್ಲಿ ‘ದಿ ವಿಲನ್’ಚಿತ್ರದ ಧ್ವನಿಸುರುಳಿ ಬಿಡುಗಡೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ನಂತರ ಆಗಸ್ಟ್ 24 ರಂದು ದುಬೈನಲ್ಲಿ ‘ದಿ ವಿಲನ್’ ಧ್ವನಿಸುರುಳಿಯ ಯಶಸ್ವಿಯಾದ ಕುರಿತಂತೆ ಸಮಾರಂಭ ನಡೆಯಲಿದೆ.

Tags

Related Articles