ದಿಗ್ಗಿ ಮತ್ತು ಆ್ಯಂಡಿ ಮದುವೆ ಆಮಂತ್ರಣ ನೋಡಿ ಆಶ್ಚರ್ಯ ಪಟ್ಟ ಮಾಳವಿಕಾ

ಬೆಂಗಳೂರು, ಡಿ.06: ನಟಿ ಐಂದ್ರಿತಾ ಹಾಗೂ ದಿಗಂತ್ ಇದೇ ತಿಂಗಳು 12ರಂದು ಹಸೆಮಣೆ ಏರುತ್ತಿರುವುದು ಗೊತ್ತಿರುವ ವಿಚಾರ. ಸೆಲಿಬ್ರಿಟಿಗಳ ಮದುವೆ ಅಂದ್ರೆ ಕೇಳಬೇಕಾ..? ಅಲ್ಲಿ ಅದ್ದೂರಿತನಕ್ಕೇನೂ ಕಡಿಮೆ ಇರುವುದಿಲ್ಲ. ಆದರೆ ಈ ಮಾತಿಗೆ ಆಂಡಿ ಹಾಗೂ ಪಿಗ್ಗಿ ವಿರುದ್ದವಾಗಿದ್ದಾರೆ. ಯಾಕೆಂದರೆ ಈ ತಾರಾ ಜೋಡಿ ಇದೀಗ ತುಂಬಾ ಸರಳವಾಗಿ ಎರಡು ಸಂಪ್ರದಾಯದಂತೆ ಮದುವೆಯಾಗುತ್ತಿದ್ದಾರೆ.

ವಿಶೇಷವಾಗಿದೆ ದಿಗ್ಗಿ-ಆಂಡಿ ಆಮಂತ್ರಣ

ಈಗಾಗಲೇ ಈ ಜೋಡಿ ಮದುವೆಗೆ ಬೇಕಾದ ಎಲ್ಲಾ ಸಿದ್ದತೆಗಳನ್ನು ಕೂಡ ಮಾಡಿಕೊಂಡಿದೆ. ಚಿಕ್ಕಬಳ್ಳಾಪುರ ಬಳಿ ಇರುವ ನಂದಿ ಗಿರಿಧಾಮದಲ್ಲಿ ಮದುವೆಗೆ ರೆಸಾರ್ಟ್ ಕೂಡ ಬುಕ್ ಆಗಿದೆ. ಹಸಿರುಮಯದಲ್ಲಿ ಈ ಜೋಡಿ ಮದುವೆಯಾಗುತ್ತಿದೆ. ಇದರ ಜೊತೆಗೆ ಮದುವೆ ಆಮಂತ್ರಣ ಕೂಡ ಎಲ್ಲರಿಗೂ ಹಂಚಿಕೆಯಾಗುತ್ತಿದೆ. ಈ ಮದುವೆ ಆಮಂತ್ರಣ ಸರಳವಾಗಿದ್ದರೂ ವಿಶೇಷವಾಗಿದೆ.

ಮಾಳವಿಕ ಟ್ವಿಟ್ಟರ್‌ನಲ್ಲಿ ಏನಿದೆ..?

ಇದೀಗ ಈ ಆಮಂತ್ರಣ ನೋಡಿ ನಟಿ ಮಾಳವಿಕ ಇಂಥಹ ಆಮಂತ್ರಣವನ್ನು ನಾನು ಇದುವರೆಗೂ ನೋಡಿಲ್ಲ. ಹೌದು, ಈ ಮದುವೆ ಆಮಂತ್ರಣದ ಜೊತೆಗೆ ಕೆಲವೊಂದು ಚಿಕ್ಕ ಚಿಕ್ಕ ಡಬ್ಬಗಳನ್ನು ಈ ಜೋಡಿ ನೀಡಿದೆ. ಒಂದು ಡಬ್ಬದಲ್ಲಿ ತೀರ್ಥಹಳ್ಳಿ ಉಪ್ಪಿನಕಾಯಿ, ಮತ್ತೊಂದರಲ್ಲಿ ಬಂಗಾಳದ ಸ್ಪೆಷಲ್ ರಸಗುಲ್ಲ, ಮತ್ತು ದಾಸವಾಳದ ಬೀಜಗಳನ್ನು ನೀಡಿದ್ದಾರೆ.  ಮರದ ಒಂದು ಟ್ರೇನಲ್ಲಿ ಇಷ್ಟೆಲ್ಲಾ ವಸ್ತುಗಳನ್ನು ನೋಡಿ ತುಂಬಾ ಖುಷಿಯಾಯ್ತು ಎಂದು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

Received 1000s of them but this Wedding invite swept me off my feet!Bengali Jaggery Rasagulla & Thirthahalli midi Uppinakayi in glass bottles with wooden lids,hibiscus seeds in a gunny potli,wooden coasters,tray so aesthetically created!#AindritaDiganthWedding Looking forward pic.twitter.com/zxzu0bWAfa

— MALAVIKA AVINASH (@MALAVIKAAVINASH) December 5, 2018