ಸುದ್ದಿಗಳು

ಪ್ರಶಸ್ತಿ ಪತ್ನಿಗೆ ಮುಡಿಪಿಟ್ಟ ಯಶ್!!

ಬೆಂಗಳೂರು,ಏ.1: ಜೀ ಕನ್ನಡ ನೀಡಿದ ಪ್ರಶಸ್ತಿಯನ್ನು ತಮ್ಮ ಮಡದಿಗೆ ಡೆಡಿಕೇಟ್ ಮಾಡಿದ್ದಾರೆ ಯಶ್.

ಕೆಜಿಎಫ್ ಸಿನಿಮಾ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿದೆ. ಪ್ರಶಸ್ತಿ ಗಳ ಮೇಲೆ ಪ್ರಶಸ್ತಿ ಪಡೆದಿದೆ ಈ‌ ಸಿನಿಮಾ. ಇದೀಗ ಮತ್ತೊಂದು ಪ್ರಶಸ್ತಿ ತಮ್ಮ ಮುಡಿಗೆ ಮುಡಿದಿದೆ ಕೆಜಿಎಫ್. ಹೌದು, ನಟ ಯಶ್ ಗೆ ಕೆಜಿಎಫ್ ಸಿನಿಮಾದಲ್ಲಿ ನಟಿಸಿದ್ದ ಹಿನ್ನೆಲೆ ಜೀ ಕನ್ನಡ ಹೆಮ್ಮೆಯ ನಾಯಕ ನಟ ಅವಾರ್ಡ್ ನೀಡಿದೆ. ಈ ಖಾಸಗಿ ವಾಹಿನಿ ಆಯೋಜನೆ ಮಾಡಿದ್ದ ಹೆಮ್ಮೆಯ ಕನ್ನಡಿಗ ಕಾರ್ಯಕ್ರಮದಲ್ಲಿ ಹೆಮ್ಮೆಯ ನಾಯಕ ನಟ ಪ್ರಶಸ್ತಿ ನೀಡಲಾಯ್ತು. ಈ ವೇಳೆ ಈ ಪ್ರಶಸ್ತಿಯನ್ನು ರಾಧಿಕಾಗೆ ನೀಡಿದ್ದಾರೆ ಯಶ್.

ರಾಧಿಕಾಗೆ ಡೆಡಿಕೇಟ್ ಮಾಡಿದ ಯಶ್

ನಾನು ಈ ಪ್ರಶಸ್ತಿಯನ್ನು ನನ್ನ ಪತ್ನಿಗೆ ಮುಡುಪಿಡುತ್ತೇನೆ. ಯಾಕಂದರೆ ನನ್ನ ಸಿನಿಮಾ ಪ್ರಮೋಷನ್ ಸಮಯದಲ್ಲಿ ರಾಧಿಕಾ ತುಂಬು ಗರ್ಭಿಣಿ. ಅನಿವಾರ್ಯವಾಗಿ ನಾನು ಬೇರೆ  ಊರುಗಳಿಗೆ ಹೋಗಬೇಕಿತ್ತು. ಈ ಸಮಯದಲ್ಲಿ ಅವಳು ತುಂಬು ಗರ್ಭಿಣಿಯಾಗಿದ್ದರು ಕೂಡ ಸ್ಟ್ರಾಂಗ್ ಆಗಿ ಇದ್ದಳು. ಹಾಗಾಗಿ ನಾನು ಪ್ರಮೋಷನ್ ನಲ್ಲಿ ಭಾಗಿಯಾಗಲು ಸಾಧ್ಯವಾಯಿತು. ಹಾಗಾಗಿ ನಾನು ಅವಳಿಗೆ ಈ ಪ್ರಶಸ್ತಿ ಮುಡುಪಿಡುತ್ತೇನೆ ಅಂತಾ ದೊಡ್ಡ ವೇದಿಕೆಯಲ್ಲಿ ಭಾವನಾತ್ಮಕವಾಗಿ ನುಡಿದರು.

ಸಿನಿಮಾ ಬಗ್ಗೆ ಹೇಳಿದ ಯಶ್

ಇನ್ನು ಸಿನಿಮಾ ಬಗ್ಗೆ ಮಾತನಾಡಿದ ಅವರು, ನಿಜಕ್ಕೂ ಈ ಸಿನಿಮಾ ಕನ್ನಡವನ್ನು ಇನ್ನಷ್ಟು ಎತ್ತರಕ್ಕೆ ತೆಗೆದುಕೊಂಡು ಹೋಗಿದೆ. ಏನಾದರೂ ಸಾಧಿಸ ಬೇಕು ಅನ್ನೋ ಛಲ ಇತ್ತು. ಅಷ್ಟು ಜನ ಜೂನಿಯರ್ ಆರ್ಟಿಸ್ಟ್ ಗಳನ್ನು ನಿಭಾಯಿಸುವ ಕೆಲಸ ಪ್ರಶಾಂತ್ ನೀಲ್ ತುಂಬಾ ಚೆನ್ನಾಗಿ ನಿಭಾಯಿಸಿದ್ದಾರೆ. ನಿಜಕ್ಕೂ ಈ ಸಿನಿಮಾ ಎಲ್ಲಾ ಕಡೆ ರೀಚ್ ಆಗಿದೆ. ಸಿನಿಮಾ ಇಷ್ಟರ ಮಟ್ಟಿಗೆ ತೆಗೆದುಕೊಂಡು ಹೋದ ಅಭಿಮಾನಿಗಳಿಗೆ ನನ್ನ ಹೃದಯ ಪೂರ್ವಕ ಧನ್ಯವಾದ ಅಂತಾ ತಿಳಿಸಿದ್ರು. ಇನ್ನು ಡೈಲಾಗ್ ಹೊಡೆಯೊ ಮೂಲಕ ಮತ್ತೆ ಅಭಿಮಾನಿಗಳಿಗೆ ಕ್ರೇಜ್ ಹೆಚ್ಚಿಸಿದ್ರು.

ಮಾಂಗಲ್ಯಂ ತಂತು ನಾನೇನಾ

Tags

Related Articles